Soziolinguistika edo soziohizkuntzalaritza hizkuntzaren eta gizartearen arteko harremanak aztertzen dituen disziplina arteko jakintza-arloa da, soziologia eta hizkuntzalaritza oinarritzat dituena (ikus, gainera, ikerketa soziolinguistiko, Gizapediako hiztegian). Soziolinguistika makrolinguistika izeneko arloaren barnean kokatzen da, bilduz hizkuntzaren ikaskuntza, dialektologia, psikolinguistika, hizkuntzaren antropologia, pragmatika eta diskurtsoaren analisia, besteak beste. Hizkuntzaren aldakortasuna aztertzen duen arlo gisa ere definitu daiteke, ardatz sozialean (horren barnean, ardatz diastratiko eta diafasiko edo estilistikoa bereiziz), denborazko ardatz edo diakronikoan eta ardatz geografiko edo diatopikoan zehar.
Bi paradigma jarraitu daitezke soziolinguistika ikertzean. Alde batetik, paradigma formalista dugu, hizkuntza fonema, hitz eta esaldietatik aztertzen duena, modu analitiko batean, eta paradigma funtzionalista, hizkuntza giza harremanetarako tresna moduan aztertzen duena, osotasunean harturik (William Labov hizkuntzalaritza ospetsuak soziolinguistika hitza erredundante edo errepikakorra dela adierazi zuen paradigma horretatik). Aditu gehienek soziolinguistika garatzean bi paradigmek bat egin behar dutela aldezten dute: hizkuntza komunikaziorako tresna sozial eta integratu moduan hartuz, baino bere alderdi formal eta analitikoak baztertu gabe.
Ikus, gainera
Erreferentziak
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
