Sare komertziala (merkataritza-sarea)

Enpresa baten sare komertziala edo merkataritza-sarea bere produktuak merkaturatzeko, hots, ezagutarazi, banatu eta saltzeko, erabiltzen dituen baliabide eta bitartekoen multzoa da; hala nola banatzaileak, salmentak puntuak eta agente komertzialak. Horren atala da salmenta-indarra da, zuzeneko helburutzat salmenta duena.

Funtsezko elementua da marketin-mixean:

• produktuari buruz, produktua kontsumitzailearen beharretara egokitzen lagundu dezake;
• banaketari buruz, banaketa bideratzen laguntzen dute, eta banaketa horren inguruko estrategia garatu, kanaleko beste eragileekin dituen harremanen bitartez;
• prezioari buruz, bezeroarekin negoziatzen den prezioaren eragile nagusia da;
• komunikazioari buruz, bezeroarekin harreman zuzena du.

Sare komertziala sendotzea erabaki estrategikoa da marketinean, eta beste erabaki estrategikoekin abantailak eta eragozpenak ditu: adibidez, masa hedabideak eta plataforma digitalak indartzea erabaki daiteke produktua saltzeko, baina horien aldean sare komertzial sendo batek harreman pertsonalagoa eta zuzenagoa du bezeroarekin, eta selektiboagoa ere bada; aitzitik, salmenta-indarraren kostua altua da eta hedabideek eta plataforma digitalek baino bezero potentzialen kopuru txikiago batera heltzen da.

Beste hizkuntzetan: gaztelaniaz, red comercial.

Ikus, gainera

• Salmenta-indarra