Pronuntziamendua

Pronuntziamendu militarra edo, besterik gabe, pronuntziamendua (*pronuntzamendua) militar talde batek gobernuaren edo agintean dagoen erregimen politikoaren aurka egiten duen aldarrikapen publikoa eta altxamendua da. Pronuntziamenduan, matxinadan ez bezala, ez da indarra erabiltzen, eta gehienbat herriaren eta beste erakunde politikoen atxikimendua baino ez du bilatzen, haien sostenguarekin gobernua behera botatzeko. Terminoa bereziki Espainia, Portugal eta horien kolonietan erabili zen XIX. mendean zehar. Horrela, Espainian ezaguna da, Riegoren pronuntziamendua, Fernando VII.aren absolutismoaren aurka, finean Hirurteko Liberalari hasiera eman ziona.

Beste hizkuntzetan: gaztelaniaz, pronunciamiento.

Ikus, gainera

• Estatu kolpea