Mapak (definizioa)

Mapa, honela definitzen da:

• lurrazalaren irudikapen laua, hots, plano batean;
• sinbolikoa, elementu geografikoak ikurrak eta marrak erabiliz erakusten dituena;
• eskalatua, hots, mapako eta azalerako puntuen arteko distantziak atxikitzen dituena, baina proportzio jakin batean, maparen eskala deitzen dena;
• eta selektiboa, elementu geografiko zenbait soilik irudikatzen dituena.

Mapak nola egin ikertzen duen jakintza arloa kartografia da, eta mapak ikertu eta egiten dituztenak kartografoak dira.

Irudikatzen diren elementu geografiko nagusien arabera hainbat mapa mota daude: mapa fisikoak (elementu fisikoak, hala nola ibaiak eta mendikateak, irudikatzen dituztenak), errepide-mapak, mapa politikoak (herrialdeak eta horiek arteko mugak irudikatzen dituztenak), mapa historikoak, mapa elektoralak eta abar. Zenbait elementu behar ditu ulergarria eta erabilgarria izateko: legenda (erabiltzen diren ikur eta koloreen esanahia adierazten duena), eskala (mapako distantzia unitate bakoitza zenbat den errealitatean), norabidea (iparraldea nora begira dagoen), iturria (nork osatu duen mapa) eta izenburua.

Ikus, gainera

• Atlasa
• Korografia
• Eskala grafikoa
• Zenbakizko eskala
• Legenda
• Mapa mutuak
• Mapamundia
• planisferio, Gizapedia hiztegian
• Mapa topografikoa
• errepide-mapa, Gizapediako hiztegian
• Proiekzioa
• Euskal Herriko ibaien mapa mutua
• lur esfera, Gizapediako hiztegian

 

Galeria