Kostu-mozkin analisia gehienbat inbertsio-proiektu publikoak (administrazio publikoetatik abiarazitakoak finantzazio publikoarekin) ebaluatzeko erabiltzen den metodologia da, proiektuak dakartzan kontu eta mozkin guzti-guztiak barnehartzen dituena, despoltsapenak eta diru-sarrerak dakartzatenak nahiz diruz zuzenean zenbatu ezin daitezkeen kostu eta mozkin sozialak, merkatuak jasotzen ez dituenak. Beraz, diru sarrerak ken irteerak eragiketa sinpletik haratago, kostu-mozkin analisiak bereziki aztertzen ditu kostu eta sarrera ezkutuak eta horien balioespena. Halaber, ebaluatzen ari den proiektuaren alternatibak ere aztertzen ditu, aukera-kostuak kontuan hartuz, itzal-prezioen bitartez besteak beste. Adibidez, lanpostuak sortzen dituen proiektu bati buruz, langabetuak gizarteari dakarkion kostu soziala ere barneratuko luke kostu-mozkin analisiak, inbertsioen analisi klasiko batek horren soldata baino kontuan hartuko ez lukeen bitartean.
Beste hizkuntzetan: ingelesez, cost-benefit analysis; gaztelaniaz, análisis coste-beneficio.
Ikus, gainera
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
