Klitoria

Klitoria edo klitorisa bulba edo aluaren goiko aldean dagoen emakumearen organo genitala da, baginako zuloaren eta uretratik 2-3 cm-ra, gutxi gorabehera 10 cm luze den zilindro formakoa, glande izeneko kanpoko alde txiki bat duena, koskor modukoa eta 2 eta 8 mm arteko diametrokoa, kaputxoi batean jasoa eta barne-gorputz barrunbetsuz osatua. Milaka nerbio-amaiera ditu, eta funtzio bakarra da emakumeei plazera ematea sexu-harremanetan eta masturbazioan zehar haren estimulazioaren bidez. Klitoriaren ebakuntza bidezko erauzketa, klitoridektomia deitua, praktika kultural eta erlijiosoa izan da eta izaten jarraitzen du gaur egun ere; arrazoi mediko eta estetikoengatik ere egin izan da. Klitoridinia klitorian sentitzen den oinaze, min edo erremin iraunkorra da. Klitoromegalia klitoriaren hipertrofia edo gehiegizko tamaina da.