Jokoa (kirola)

Jokoa, norgehiagoka edo lehia, batzuetan dema ere deitua, irabaztea jomuga dakarren arauzko jarduera da. Kirolaren edota, zehatzago, kirol-diziplina modernoaren funtsezko elementua da jokoa, jolas edo entretenimendutik haratago ikuskizuna ere badena. Bere aldetik, jokoaren elementu nagusiak dira jokalariek jarraitu beharreko arau-multzoa eta irabazteko helburua, jokoan irabaztea bestea baino gehiago izatea delarik —hain zuzen, jokoa norgehiagoka da— kirol bakoitza definitzen duen trebetasun, indar edo erresistentzia fisikoari dagokionean. Lortu beharreko helburuaren arabera jokoak egintzazkoak, non kirola definitzen duen ariketa fisikoa  jokalariak ahalik eta hobekien egin behar duen beste jokalariek baino hobeto; eta lehiazkoak, non jokalariak elkarren aurka aritzen diren, arauei jarraiki, nahiz eta arau-hausteak edo faltak ere aurreikusten diren, zigorra dakartenak —preseski, euskaraz azpijoko hitzaz adieraz daiteke araua haustea—.