Espainiako erliebea

Ikus, gainera: Erliebea (definizioa)

Hemen Espainiako erliebearen mapa mutua eskura dezakezu.

Espainia Europako herrialde menditsuenetekoa da. Bere batez besteko garaiera 660 metrokoa da, eta soilik Suitzak eta Liechtensteinek gainditzen dute muga hori. Mendi horiek hainbat erliebe-unitatetan biltzen dira (mendikateak, mendilerroak eta mendiguneak), garaiera handienekoak izanik Kantauriar mendikatea, Kantauriko kostaldeko parean; Pirinioak, iberiar penintsulako mugan Europa kontinentalarekin; Erdialdeko Mendikatea, iberiar goi-lautadako erdian; eta Sistema Betikoa, hegoaldean. Mendi garaiena Teide sumendia da (3715m), Tenerife uhartean; iberiar penintsulan berriz, mendirik garaiena Mulhacén (3.479m) da, Mendikate Penibetikoan. Garaiera ertaineko hainbat mendikate eta mendilerro daude, nagusiak izanik Galiziako mendigunea, Iberiar Sistema, Sierra Morena, Toledoko mendiak eta Kataluniako Kostaldeko Mendikateak. Horiei gehitu behar zaizkie Balear Uharteetako Tramuntanako mendilerroa eta Kanariar uharteetako sistema bolkanikoak.

Iberiar penintsularen erdialdean, iberiar goi-lautada zabaltzen da eta horien barnean, ertzetan edo kanpoaldean kokatzen dira mendilerro eta mendikateak:

Iberiar goi-lautadako barneko mendikate eta mendilerroak

• Erdialdeko Sistema
• Toledoko mendiak

Iberiar goi lautadako ertzetako mendikate eta mendilerroak

• Leongo mendiak
• Kantauriar mendikatea
• Iberiar Sistema
• Sierra Morena

Iberiar goi lautadako kanpoaldeko mendikate eta mendilerroak

• Galiziako mendigunea
• Pirinioak
• Kataluniako kostaldeko mendikateak
• Mendikate Betikoak

Sakonuneak

• Ebroko sakonunea
• Guadalquivireko sakonunea

Balear uharteetako erliebea

• Uharteak: Mallorca (Tramuntanako mendilerroa), Menorca, Eivissa, Formentera, Cabrera

Kanariar uharteetako erliebea

• Uharteak: Lanzarote, Fuerteventura, Gran Canaria, Tenerife (Teide, 3.715m), La Gomera, La Palma, El Hierro