Erakunde batean, antolakuntza funtzionala, organigrama funtzionala edo egitura funtzionala dagoela esaten da, bere atalak eta sailak erakundean burutzen diren jarduera eta lan mota desberdinen arabera banatu eta berezitu edo espezializatu egiten direnean (adibidez, enpresa batean, I+G, merkataritza, administrazioa, fabrikazioa, ...). Koordinazioa atal eta sail horien arduradunek egiten dute, zuzendari nagusi baten ekimenez. Abantaila gisa, antolakuntza argia da, ardurak eta zereginak ongi bereizten dituena, teknikoki eraginkorra, baina aldi berean sailak isolatu eta mugikortasuna eta elkarlana eragotzi egiten ditu. Ohikoa da antolakuntza horietan, erakundearen helburuak baztertu eta sail bakoitzak bere helburu propioei jarraitzea. Hala ere, maizenik erabiltzen den antolakuntza da, eta presentzia erabatekoa du gobernu eta administrazioan (ministerioen arabera banatuak).
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
