Disrupzioa sistema batean elementu edo fenomeno berri batek sorrarazten duen aldaketa sakona da, sistemaren ohiko funtzionamendua eraldatzen duena, sistema zaharreko inertzia etenez eta elementuen arteko oreka kolokan jarriz. Disrupzioa eragiten duen aldaketa disruptiboa dela esaten da. Bereziki arlo teknologikoan erabiltzen den terminoa da, teknologia, produktu edo metodologia berri batek enpresa, merkatu edo gizarte batean sorrarazten duen erabateko aldaketa aipatzeko (ikus, teknologia disruptiboa). Arlo horretan adiera positiboan erabiltzen da gainera, berrikuntza batek dakarren hazkunde potentzial handia izendatzeko. Adibidez, telefono adimentsuen zabalkuntza guztiz disruptiboa izan zen bizimoduetan XXI. mendearen hasieratik, komunikaziorako eta bide batez kontsumorako eta aisialdirako modu berriak zabalduz. Beste arlo batzuetan ere erabil daiteke; adibidez, alderdi politiko berri bat disruptiboa izan daiteke, herrialde bateko eremu politikoaren ohiko arauak eta diskurtsoak aldatzen dituenean. Pertsonak ere disruptiboak izan daitezke talde batean, gehienetan zentzu negatiboan, taldeko ohiko jokabidea eta jarduera eten eta aldatzen dituztenean.
Beste hizkuntzetan: ingelesez, disruption.
Erabili ezazu galdetegi hau artikulu eskaera bat bidaltzeko. Lehenbailehen osatzen saiatuko gara.
Gure azken edukien berri jaso nahi baduzu zure email helbidean, egin zaitez harpidedun hurrengo galdetegi hontan.
