Direktorioak (informatika)

Agian direktorioaren bibliografia-adiera bilatzen ari zinen.

Informatikan, direktorioak ordenagailuan eta hari loturiko gailuetan gordetako fitxategiak eta datuak antolatu eta sailkatzeko nahiz fitxategi horietara iristeko erabiltzen diren atalak dira, fitxategi haietako ezaugarriak ere jasotzen dituztenak. Direktorio nagusi batetik abiatuta, horren azpian dauden beste direktorio batzuk (azpidirektorioak) bereizten dira, eta haietatik beste direktorio batzuk, azkenean zuhaitz erako egitura bat osatuz.

Direktorio baten helbidea edo izena direktorio horretara iristeko jarraitu behar den direktorio edo adarren multzoa da:

• Windows sistema eragileetan, hau da direktorio baten helbidearen adibide bat:

         c:\windows\josemari\gizapedia

• Linux sistemetan berriz, honela zehazten da:

        /usr/bin/mozilla-firefox